KUHILA

Isang bayani ang ating hinangaan

Ngalan n'ya ay Rizal, daming kakanyahan.

Maraming tuligsa at s'ya'y kontrobersyal.

Ang 'di purong pinoy, ba't tayo'y nakintal?

Maraming pinuna sa mukha ng henyo

Mga akusasyon na s'ya'y "CONSCIOUS HERO"

Kapuri-puri ba sa isang bayani

Na ang kanyang dugo'y iba-ibang lahi?

Marahil sa akin 'to'y 'sang kabawasan

Sa mga mata ng ating kabataan.

Marapat isiping kanyang kabutihan,

Alay sa bayan ay 'wag pahalagahan.

Kuhila ka Paham! ka'y hindi huwaran

Minulat mo kami sa maling kaysipan.

Damdami'y pinukaw sa puso ng madla,

Upang marating mo 'yong pagkadakila.